Stryn starta best, og spelte seg fram til eit par brukbare sjansar, men avslutningane gjekk anten utanfor eller rett i klypene til Skavøypoll-keeper Hessevik. Skavøypoll kom igjennom på si venstreside ved eit par anledningar, men David hadde full kontroll på det som kom av avslutningar. Etter ein halv time hadde David eit langt utspel som spratt over Skavøypoll sine forsvararar, og ein kjapp Peter sprang igjennom og scora 1 - 0. Like etter fekk Peter ei perfekt gjennombruddspasning frå Vegard V, og kom heilt åleine med keeper. Avslutninga var det ikkje vanleg Peter-kvalitet over, og keeper hadde ingen problem med å redde. I første omgongs siste minutt kom ein Polljen-spelar åleine igjennom på venstresida og lobba ballen i mål over David, dermed 1 - 1 til pause.

Etter pause var Skavøypoll periodevis betre enn oss. Dei gav meir I duellane, og viste meir vilje til å gå på løp. Strynespelarane vart for forsiktige, og viste ikkje same glød som mot Loen og Bremanger. Skavøypoll scora to mål, og vann dermed 3 - 1.

Stryn stilte med følgande spelarar : David, Daniel, Simen, Vegard H, Anders Joar, Isak, Håvard, Leif Ståle, Jarle, Peter, Vegard V, Andre, Mathias.

Jon Valaker