Treningskamp: Stryn - Sykkylven 3-3 (2-1)

1-0 Marita Berge 16 min

2-0 Marita Berge 38 min

2-1 Sykkylven 41 min

2-2 Sykkylven 74 min

3-2 Ingrid Øvreberg 84 min

3-3 Sykkylven 85 min

Stryn stilte med: Gina Tytingvåg, Eili Seljeset Ommedal, Kristina Flo, Amalie Øvreseth, Hanna Tenden, Sofie Lunde, Pernille Flo, Marita Berge, Mia Sæbø, Maria Bøe, Ingrid Øvreberg, Mari Skarstein, Karine Tonning, Caroline Gjertsen, Benedikte Flåten, Mona Myklebust, Maria Drageseth, Elise Guddal Flo

Damelaget til Stryn møtte det nyopprykka 2.divisjonslaget Sykkylven til treningskamp i eit strålande vårveir søndag ettermiddag. Vi stilte med fleire unge jentespelarar frå start i denne kampen, og også Mia som til dagleg speler på småjentelaget vårt fekk prøve seg på seniornivå.

Og ungdomen gjorde sine saker godt! Vi styrer mesteparten av den første omgangen, og etter fleire halvsjanser i opningskvarteret tar vi fortent leiinga etter 16 min. Sofie legg knallhardt inn frå høgre kant, på bakerste stolpe stormer Marita inn og header knallhardt i krysset. Rett og slett ei perle! Vi fortsetter å presse, og etter ein halvtime speler Maria nydeleg fri Ingrid. Ho kjem åleine gjennom, set ballen rolig forbi keeper men dessverre også på feil side av stolpen.

2-0 kjem imidlertid 8 min seinere. Også denne gongen er det Marita som avslutter. Ho får ballen på ca 18 meters hold, og skyt kontrollert heilt nede i keepers høgre hjørne.

Nokre minutt før pause får Sykkylven sin første store målsjanse. Eit flott angrep på høgresida, ender med eit innlegg på bakerste stolpe og gjestane reduserer til 2-1.

I pausen og utover 2.omgongen gjer vi mange bytter og endringer i posisjonar på spelarar. Då er det naurleg at vi ikkje greier å oppretthalde presset like hardt, og Sykkylven kjem meir med utover i kampen. Det går imidlertid ein halvtime ut i omgongen før utlikninga kjem, vi har litt trøbbel med å avklare og dei set ballen i mål til 2-2.

Men 6 minutt før slutt tar vi leiinga igjen. Mona mottar ballen med ryggen mot mål, er råsterk og vender og speler Ingrid nydeleg gjennom. Ho scorer sikkert og det står 3-2 til Stryn. Dessverre er det noko sant i at det ofte kjem mål rett etter mål, og sunnmøringane går rett i angrep og utliknar til 3-3 minuttet etterpå.

Dette var uansett ein godt gjennomført kamp frå oss, der vi fekk prøvd mange spelarar i forskjellige posisjonar. Vi har ein stor og jamn tropp, i tillegg til at vi har mange unge jentespelarar som held solid 3.divisjonsnivå. Betryggande også at når førstekeeper Lena er vekke, har vi Gina som kan steppe inn og gjere ein glimrande jobb som keeper.

Vi er bra i rute før seriestart og håper på ein par - tre kamper til før opninga mot Hornindal i slutten av april.

John