Sida har etter kvart vorte ei av dei beste klubb-sidene i landet, det er i alle fulle fall vår ambisjon. Men vegen dit har slett ikkje vore nokon dans på roser. Det heile byrja med at Frank sende rundt reportasjar om Stryn sine treningskampar vinteren 2000. Jørn Peder var ein av dei som fekk desse mailane ramlande ned i e-postkassa si, og ideen til heimesida var eit faktum.

Artiklane vart publisert på Aktivdatapartner sitt web-område rundt påsketider år 2000 på denne adressa: www.aktivdatapartner.no/frank . Etter kvart vart dette so tidkrevjande at også revolverjournalist Frank måtte kunne legge ut stoff direkte, og www.stryn-fotball.com vart ein realitet. I dette høvet må vi takke vår hovudsponsor Idehuset AS , som støtta oss økonomisk i denne prosessen.

I dag har både Frank og Jørn Peder adgang til web-området, noko som betyr at begge to kan endre på sidene (legge ut stoff m.m.). Dette har gjort arbeidet med sida mykje meir effektivt.

I byrjinga av april 2001 tok fotballgruppa initiativ til eit nærare samarbeid, og vi vart einige om at sidene skulle verte offisielle for Stryn Fotball. I midten av mai vart ein ny design publisert, der f.eks. alle samarbeidspartnerane til Stryn Fotball er presentert. 16. mai 2001 vil gå inn i historia som den datoen Stryn Fotball fekk si eiga offisielle internett-side !!

17. mars 2003 var ein ny merkedag for sidene våre. Då kunne vi stolt presentere splitter ny design, og ei mykje meir automatisert og profesjonell løysing utvikla av Jørn Peder Sætre.

Ein ny og endå meir staseleg merkedag var tirsdag 31. januar 2006 . Då kunne vi igjen presentere ein ny og strålande finfin design på sidene våre utvikla av teknisk sjæf Jørn Peder Sætre. Ikkje berre designen vart endra, det vart også lagt vekt på meir informasjon på sidene. Som ein del av dette fekk no alle aldersbestemte lag høve til å legge ut informasjon og nyheiter.

Dersom nokon av lesarane finn feil på sidene set vi pris på om dykk melder frå til oss om dette. Dette gjeld og dersom du har gode forslag og idear til utforminga av sidene.

Med venleg helsing

Frank Hool & Jørn Peder Sætre